O pasado 18 de outubro sete alumn@s e o profe de Andrés fomos convidados a asistir a un Concerto de Música Clásica ofrecido pola Orquestra Filarmónica de Galicia.
Desfrutamos da música dunha orquestra, e unha soprano solista que nos ofreceron as seguintes obras:
De OCTAVIO VÁZQUEZ (1972): Eterna luz azul II. Unha obra atonal dodecafónica onde os doce sons da escala cromática aparecen en secuencias que nos trasladaron a paisaxes sonoros.
De GUSTAV MAHLER (1860-1911); tres das seis cancións do Ciclo de cancións postrománticas "O Corno Máxico da Xuventude" tituladas:Onde as fermosas trompetas resoan, Canción do perseguido na torre e Consolo do infortunio. En "O Corno Máxico da Xuventude", Mahler pon música a varias cancións populares alemanas.
De LUDWIG VAN BEETHOVEN (1770-1827) Egmont, op. 84; una música composta por Beethoven para acompañar á representación teatral da traxedia Egmont escrita por Johan Wolfgang van Goethe en 1788.
A experiencia foi marabillosa. Encantounos ver a todos os membros da orquestra perfectamente coordinados tocando unhas obras tan fermosas!!!
E esperamos volver pronto!!!
No hay comentarios:
Publicar un comentario